唔記得通知你地.........12x12 o既無縫相簿樣辦已經係舖啦...得閒o黎睇睇啦.
台灣製, 包排版設計, 但唔包執相.... 15P 水晶內頁 HK$2800.
需時約一個月
2009年12月5日 星期六
又衰係 I DO手上
話說幫客人做後加~
第一次衰, 就係做I DO o既8x10 活頁相簿上
點知係5年後......
又衰過
不過今次係4x5
其實呢類冇包邊o既相簿, 無論係新天地又好, 其他婚紗公司又好
我地以前唔會做, 因為無包銀邊, 做時會有d危險性
(其實相簿內頁, 只係由好多紙壓縮而成, 如果唔包銀邊, 久而久之, 比好多人睇過之後, 又或者受潮之後內頁會散口, 甚至內頁會變黃一撻撻, 只係貼o左相, 唔多覺)
後來諗住咁細本, 以前有d客又話好想做.
咁我地都做o左好多次. 以為未衰過.......只係我地以前擔心過頭o者.
點知今次將多餘o既coating CUT走o既時候, 痴起o左一d相簿邊出o黎.
真係對個客好唔住.
我本想叫客人比番20張相我幫佢做過另一本. 後來客人話唔需要啦.
我就真係唔好意思,
客人仲叫我收番d手工費.............客人冇鬧我......仲話我都係打開門做生意.......
.我真係感動到想喊出o黎
有時唔係真係有錢就可以乜都解決到. 補救到.
但為了補償客人本相簿因為我而有瑕疵.
我冇收客人o既錢. ........希望令自己好過一點.....
係度再同客人講聲對不起. 實在太唔好意思啦
各位想做後加o既客人, 如果你地本相簿都係冇包到銀邊, 我地以後都唔接啦. 免得再發生上面事件.
不便之處 敬請原諒.
2009年11月24日 星期二
12x12無縫相簿 15P
攪o左都好似成個月........嘻嘻. 唔好意思
有一個男客人已經o黎o左2次都比唔到佢睇.
11月20號佢中午o黎, 我地下午至收到台灣寄o黎.
所以佢又白走一趟 , sorry sorry
因為呢一本趕住比呢一對新人擺酒用, 所以21號已經交o左比佢.
依家店又係冇得睇........我會叫台灣加緊copy一本過o黎.
太趕啦. 係咁易影住d相睇住先~
15P 每一頁 0.1CM
整本計 15P 3CM
本來我有內頁o既排檔案...........因為台灣製作公司唔想得罪香港佢個大客......所以請求我唔好將排檔案放上網(驚廣泛流傳)......我同台灣公司講......我個blog冇乜客睇........叫佢地唔好咁擔心.............我難得搵到靚仔靚女d相比我做相簿樣辦.到最後唔比我放上網..........點得呢......
所以我係咁易..............影
最後當然要多謝提供相片比我做辦的.......
YUBI & CALVIN
祝您地新婚愉快~
8X10 無縫相片 15P
係網上識o左一個業餘攝影師, 佢都有幫趁我買美工相簿, 家姐有見過佢, 而我就只有在電話上聯絡. 感覺佢都幾好人咁.
所以免費幫佢做o左呢一本8x10相簿.
(其實我好想聽多d人o既意見.....究竟台灣做o既相簿同大陸o既分別, d客人寧願將貨就價, 事但平平地做本大陸o野.......定係做本質素好d o既相簿, 定係覺得大陸同台灣相簿係冇乜分別呢??)
內頁 0.1cm一頁
呢一款有個同款袋. (其實你地有留意的話, FB都有呢一款相簿, 不過係大本. 用o急而唔係用手提袋. 佢地係太子做promo就有show出o黎. 放係後面正中位)
訂閱：
文章 (Atom)