P先生 & L小姐本相簿今日到啦(4星期以內)~
BIG DAY 唔知係咪將近, 佢地希望20/5到香港.
所以我叫台灣留意貨期.一定唔可以遲~
點知今日落大雨, 好彩冇整濕o者.
好大箱呀~ 運費好貴呀
8x10呢本相簿冇盒, 但配上同系列手提袋. 方便攞o黎攞去.
(已問準客人至放上blog)
相簿封面係咪好熟口面呢............都話同某大婚紗公司同一工場做o既............因為我同台灣工場識得耐過某大公司, 所以人家冇嫌棄我呢D small potato, 繼續友情價幫我.
L小姐有一張相實在太靚, 太震撼啦...............所以忍唔住偷偷做o左個相架.
真係偷偷做o架..................因為我想送比佢地兩個, 唔比佢地知
同相簿同一系列. 襯番一套
可以放係枱, 又可以掛牆
(唔方便影大張相.) 呢張相我係女人都覺得L小姐影得好靚, 好有女人味.
呢個相架唔平o架(900蚊), 又重, 運費都唔平. 不過難得遇到張令自己震撼o既相.
蝕本都要送. (唔係講笑o架) 相片係用鋁片做o既.
佢地兩個都好喜歡呀~ (真係好, 見到客人開心, 我比佢地更好開心
)
不過唔知點解有一隻相角會爛o既, 台灣方面已經盒中有盒, 照道理係運送途中唔會撞爛o者, 希望台灣幫我查清楚, 然後補整番一個相架比我就好啦.
其實P先生 & L小姐好有誠意幫趁我地, 好幾個月前已經o黎睇相簿, 不過我唔記得問佢地點解會識搵我地.因為佢地唔係經網上識我地o架.
又o黎舖頭幾次睇相簿辦, 可惜8x8 , 12x12都有相簿樣辦, 但8x10就冇啦,但又肯交相比我地做...........真係對我地有信心.......(話時話,,,依家間舖變o左一間什貨舖,,,,,比著我係客人, 都可能冇信心
)
上次L先生又係做一本8X10 送比太太, 都係揀o左8x10.
我自己其實好鍾意12x12本相簿~ 不過可能2800蚊一本超出客人預算~但可以話比你地知, 我實際袋落袋都係冇幾多o架咋.
睇見客人笑住比錢, 開開心心帶住本相簿離開我地間舖.
正如家姐話齋,
間舖蝕都蝕得開心~
有d滿足感, 確實係用錢都買唔到o既.
間舖頭已經同最初好唔同了............因為租貴人流少.........所以要賣埋其他貨,,,,,,入下入下d精品,,,,,依家除非係熟客.........如果唔係都幾難知我有相簿材料賣 &相簿整.
只係放在一小角~
呢間舖做到8月尾就唔會續約, 希望搵到一個好地方再繼續做落去.........但唔想賣精品, 當然想做番老本行, 賣相簿相架啦.
