唔想比人抹黑 (3)

 

其實呢幾個星期.....真係瞓唔到覺, ,,,,, 唔係冇生意瞓唔到.

而係間舖o既擺設有問題. 朋友家人有好多意見.

但意見都係一面倒.............叫攝影師搬啦.

我話唔得. 都要等到11月尾

就係因為口頭承諾, 雖然我冇收佢租, 仲出埋電費比佢放電子相架. 但講過就要算數....縱使好多好多人同我講,,,,,,,,,根本佢就冇諗住比生意你做.......

所以個心好煩好煩.........

 

有一晚,,,,,(通知佢3個月後中止合作之後o既2,3日.)

我個哥幫我舖頭裝射燈. 我冇出舖頭. 只係得家姐同亞哥.

後來攝影師又出現了. (我聽家姐講番出o黎)

我亞哥其實都係影結婚相. 但唔係幫人出外景影pre-wedding 個隻. 而係影註冊, 飲宴個d結婚相. 我哥問我家姐有關台灣相簿o既價錢事項. 我唔知攝影師係咪聽到.

當晚原本打算同亞哥家姐食晚飯......後來哥要趕住返屋企陪細女食, 所以自行回家.

我只同家姐一家人食飯.

食完晚飯冇幾耐, 回家途中(大約10點鐘左右),,,,,,,,,,電話響起.........顯示攝影師電話.

個一刻我諗起..............佢係咪想搵我傾3個月中止合作一事....

考慮緊聽唔聽佢電話.

都係聽吧....................喂~ xxxxxx 你係咪同你亞哥食緊飯呀?? 我答佢話唔係.

點知原來佢打o黎o既目的係想報佢個"執相價" (我心諗......你都好機會主義o者...)

我話唔洗.............但佢都係再問多我一次..............我比我個執相價比你喎.

我再次回應佢話唔洗............(心諗.....我點解唔比台灣執相呀?? 點解要比你執呀??)

聽完電話又再唔開心........

 

 

再隔多兩日(24號), 去o左同客人開會. (我有正職)

電話又響起          又係攝影師, 今次我唔方便聽

之後收到攝影師留言

xxxxxxx小問題 我明白你的意思, 有時間call我再談

 

甚麼叫"小問題"呀?? 我依家成日都冇覺好瞓.........甚麼叫"小問題"呀??

個晚仲更加瞓唔著................覺得攝影師唔想走.......咁我點算??

要我講得清清楚楚........我怕我真係會激動鬧佢.唔想數佢d o野出o黎. 我唔想大家朋友都冇得做. 雖然其實我同佢唔係好熟.

 

 

好慘....我最怕失眠.........第2日要返工........人好謝..........

個幾日我就同家姐講...........我地唔好做間舖, 問下業住我地唔要幾萬蚊訂金放我地走得唔得.

因為呢件事唔多唔少已經影響o左我o既信心.雖然我地賣相簿材料已經7年..........

 

第2日(25號) 我同家姐講, 我尋晚收到sms之後, 又瞓唔到,

問多家姐一次, 想唔想做間舖,  唔想做就打上去問多一次業主.

唔知點解, 家姐會聽錯我叫佢打完比業主, 再打比攝影師.

冇幾耐,,,,,家姐打o黎. .......hei~ 我已經同亞x 講o左, 叫佢兩個星期內搬.  我嚇o左一跳, 當然家姐有講攝影師o既一d地方, 當然詳細o既細節我冇再問家姐........我唔想再失眠. 不過我知家姐又提台灣本相簿d相咁差. 對我地好大影響. 點知攝影師同家姐講話我地台灣本相簿個款好舊.........仲問家姐.....台灣係咪攞d倉底貨賣比我.......我真係頂佢個肺................又唔見我同佢一齊睇台灣本相簿時.........對我講呢番說話......

仲有佢有同我家姐提............佢仲諗住以後d相簿比晒我地做..................

 

當晚我睇舖, 攝影師約o左客人, 佢早到但客未到.

佢入o黎同我打招呼, 但我唔想同佢打........(我掩飾唔到要假裝打招呼)

佢又講起我家姐打比佢, 叫佢2個禮拜搬, 我話既然家姐叫o左佢搬, 佢又得o既, 咁就搬.

佢(扮)好斯文咁講.................我地係朋友o黎o架嘛,,,,,,,有咩事咪講出o黎囉...

我同佢講,,,我自己知自己事, 唔想扯火.

我同攝影師講.......>>我唔想同佢傾....我會叫家姐同佢講,,,,,,,但佢始終企係我面前, 冇打算走. (當然我唔知佢約o左個客)

又慢慢套我講一兩句...........我開始發火.

我話唔好再套我講o野. ......叫攝影師比佢太太個電話我...我唔想同佢講, 我會打比佢太太講番所有o野.

佢比完電話號碼我,,,,,仲問我一句........."乜你好怕同男人講o野o架"...........真係想媽义佢.

我只係唔想同d口不對心o既人講o野o者....

 

之後之之左左.....佢仲問.....>>>咁即係你當初講o既3個月都係唔係啦....

我即時手揸住塊刮板發起火上o黎....拍枱.....(已經比佢迫到忍無可忍)

係, 我兌現唔到我講o既o野, 但係你之前講o既. 你都冇做到~!!

 

 

 

 

 

今個星期一(28號)我已經同攝影師太太講番晒我想講o既說話, 即係攝影師想知o既o野..........佢太太好ok, 我地大家都向對方講唔好意思. 佢仲話....咁以後我買o野, 你仲賣唔賣比我o架..................當然賣啦~ 我話.

其實同佢太太講番件事, 自己都係忍唔住眼濕濕. 有一種解脫o既感覺. 我應該可以瞓番一覺好覺.

 

今日...... 唔係朋友同我講, 我唔會去攝影師個blog度睇佢點寫我.

我知佢要落台. 要寫番d o野出o黎.

但唔可以假惺惺祝我生意興隆.

太假了~ 表面扮好人,背後插我一刀~!!

 

 

 

 

 

 

 

 

 

 

唔想比人抹黑 (2)

 

心諗,,,,,,,,,小姐......你講咩呀?? (我唔知攝影師姓陳)

個位小姐又再問:::::::::::係咪亞x間舖呀?? (我至知佢問呢度係咪攝影師間舖)

我心裡面當然唔高興, 不過我以為係攝影師o既客, 唔想得失佢d客.

仲借埋電話比個位小姐打比佢老公.

 

 

台灣做o既相簿,,,,,,,,終於送到o黎..........打開一睇........封面張相有一條毛....居然台灣都睇唔到..

再睇入面d相.............我唔識睇都嚇o左一大跳..........究竟係台灣本相簿做得靚得滯...定係.......................

d微絲血管睇得一清二楚.........d鬚根................唉.......仲有d排版..........

----------------------------------------------------------------------------------------

又令我諗番起一件事.....

我去完台灣返o黎, 又再同攝影師夫婦食晚飯~

當晚傾下台灣d相簿o既成本, 仲有台灣執相 & 排版設計費用.

記得攝影師講過.............其實d執相, 排版,,,,可以係香港做o既.就唔洗比台灣做.......我當時已經心諗...........吓??? 人地台灣公司咁專業.........價錢同比你又差不多........

不過我都仲未收到台灣做o既相簿, 所以當時我未敢下定論.冇出聲

--------------------------------------------------------------------------------------------

收到相簿個之前已經唔開心,,,,,,,,,,,收完台灣本相簿就直頭冇o野講,,,,,之前我係blog已經講過會係台灣做相簿,,,,仲講要9月中至會收到, 叫d有興趣o既客人唔洗咁心急o黎睇. 我比佢地仲心急.

可惜事與願違...........同心目中相差太遠了..........雖然本相簿封面張相有條毛, 台灣都睇唔到, 心裡面有不滿之外..............相簿裡面d相..........唉...........

相簿到o左之後........我都冇係個blog到show 出o黎.........就知道我失望太大了.

我只係show o左台灣做o既細路仔相簿出o黎見人..............d客睇過真係讚好過大陸o既. 無論係相紙質素同排版設計.當然價錢都係貴過大陸.

 

唔係有d客知道我有呢本結婚相簿, 叫我地攞出o黎, 我同家姐都唔會show出o黎.......第一個睇完就問我地................自己執相係咪會平d...........

第二個睇完就問我地.................咁o既設計.....自己都識得排喎.

第三個我個女blog友, 將會12月結婚.......仲彈得勁......本相簿靚....但裡面就......

無話可說. 信心跌到零.(係台灣落o左3萬幾蚊訂,,,3萬幾蚊只係訂相簿封面封底, 相簿o急(盒),,,,仲未計個相簿芯,排版 & 執相,,,,,,依家唔知點算.....不過呢樣都唔係最煩)

 

--------------------------------------------------------------------------------------

有一日, 夜晚攝影師又o黎o左. 佢咁o岩問起我..........又話呢邊放個大櫃o既..?....我就順便同佢提早講, 話3個月之後, 唔好合作了.     我冇望佢, 佢可能係打o左個凸都未定.

佢問我.........係咪3個月後, 佢交租都唔比佢擺??

我話係,,,,,唔會再諗交租d o野. (如果你肯交租, 之前就唔係叫我收commission啦....)

佢話好快就3個月.....   又講o左一堆o野,,,,, 我記得佢話.......只做3個月, 對佢都好大影響...(當然我個心係度諗..........有咩好大影響呢?? 買o左一個櫃, 一個茶几, 勉強d可以話仲買o左個電子相架,,,仲有就係印晒始創地址o既幾佰張咭片,,,,,除非話晒比人聽, 佢有間舖.) 

我話..........>>你d 套餐都唔冇包相簿, 咁又咩比我做??

我其實已經唔想聽佢講o野, 又唔想望住佢講o野, 更加唔想同佢講o野.

我個人,,,,,,,,,,可以話我好激, 係就係, 唔係就唔係,,,,,,,,,,,我唔識得去修飾我講o既說話.

眼前呢個人.......講o野實在太叻了~

後來攝影師問我...............乜你真係唔諗住接d影細路仔相o既生意咩? 我話吓.........依家d人邊度咁富貴, 搵個攝影師返o黎影細路相?(但個一刻,,,,個心真係又沉一沉..........原來我要自己接d生意番o黎. 再交比攝影師去影,,,,,,,咁我至搵到啖飯食....)

我唔出聲.......我決定唔出聲.........去忍到11月尾.

最後...........攝影師彈多一句出o黎................"婚紗個d好難" (意思係咪話....婚紗攝影個part, 好難有得比我賺?? 唔會有相簿油畫等比我做呢?)天曉得, 但我唔想再問個明白, 我知道佢之前所講o既互惠互利係同我講大話.

後來攝影師太太o黎o左, 我個樣至寬容d, 佢太太都幾好人. 講o野實事求事

 

但個晚返到屋企瞓唔著.............

 

 

 

 

 

 

 

 

 

唔想比人抹黑 (1)

呢件事屈o左係個心幾個星期,

令我食唔安瞓唔樂, 今日朋友通知我, 有人係blog祝我生意興隆.

去睇睇,,,,

唔想唔出聲了~ 唔想比人抹黑了~

所以寫番成件事出o黎吧.

我最初開呢間舖, 因為舖比以前大, 怕自己唔夠o野擺, 間舖會好吉, 唔靚. 而自己同家姐都唔識擺貨.

而業主亦都對我有期望, 希望我地整得靚靚地.

我o既壓力越o黎越大, 唔係怕冇生意. 係怕間舖整得唔靚.

諗到搵個攝影師返o黎.

攝影師應該有佢o既taste, 一定會整得靚過我地自己擺o既貨.

比個最靚o既位佢.

亦諗住佢有o野會帶繫我...例如整相簿油畫等.

決定搵呢個攝影師傾傾.

發覺佢都有好大興趣.

當中有傾過我想收"服務費" 例如收租等.(因為佢會放宣傳單張 & 咭片)

不過攝影師話唔好, 佢建議我收commission, 仲同我講::::>>>如果佢生意多, 即係我收commission多. 但我知道唔會work, 因為客人攞o左攝影師o既宣傳單張, 仲有埋咭片, 仲邊度會搵我地傾? 而且客人亦唔會今日攞資料, 聽日就要影相, 起碼都係幾個月後o既事.

不過我都唔係想收commission. (應該係冇得收,,,咁o既做法.....正常金都商場個d, 都唔會show晒攝影師d資料出o黎, 何況係派攝影師張咭片??)

一心諗住攝影師會比d相簿或油畫之類o既生意我做.(佢經常提互惠互利)

未開舖之前就上大陸叫廠起辦做相簿, 用攝影師提供o既相做o左幾幅大相. 想試下出o既色同攝影師o既要求一唔一樣.

出o黎o既相簿普普通通, 並唔係當初工廠比我o既款式. 發覺做o左2次都唔係我地想要o既, 覺得大陸廠信唔過,我就好急咁決定飛去台灣搵專業公司做相簿辦.呢間公司係做婚紗相簿及相片軟件設計. 香港ML都係佢o既客人.

大陸o既相簿我搵bb相做. 台灣o既相簿, 我叫攝影師比一輯結婚相比我帶過去比台灣公司做一本相簿, 諗住用o黎做生招牌.

離開台灣公司之後. 有位職員打比我........居然問我一個咁o既問題

你個d相.....有冇執過o架??

我聽到後打過凸.......攝影師明明已經排o左版執o左相...點解個職員會咁問o既呢??

即刻打番比攝影師問過清楚...........攝影師答我:::>>執o左o架d相.....不過大頭個d會執得好d, 遠景o既, 或者細張就冇乜點執. ............我就打番比台灣公司講番比佢地知, 已經執好相, 照出就得o架啦. (一心諗住sell攝影師o既技術, 台灣相簿)

相簿趕唔切9月9號開張........

 

-----------------------------------------------------------------------

9月9號開張個日, 攝影師個櫃 & 張茶几仔至到. 原來個櫃都幾大. 到依家為止, 都係擺o左12張4r, 1張我曬o既10x10, 2張10x20o既大相.枱面放有2個木相架, 一個電子相架

開張之後, 朋友同家人, 甚至一d熟客都話我地d o野唔夾. 屋企人睇完佢張宣傳單張就講,,,,,,,一本相簿都冇包...咁點比到生意我地做??.咩叫互惠互利呀?? 佢自己就擺晒咭片擺晒價錢表.

我無言而對.

因為係我叫佢返o黎. 亦講過話3個月後檢討.

就算家人朋友囉囉唆唆,我都冇理佢地. 縱使攝影師個位真係擺得唔靚. 有苦自己知.(不過當時我個心態...已經決定3個月後唔會再合作)

最令我醒覺o既係........有一天~ 攝影師o黎o左, 問我家姐一個問題.......(放係櫃入面o既相)...吓....點解d相會卷起呢.....係咪整o左coating 會好d.(咁其實都係睇你d相紙, 仲有就咁放係度, 都會少少攣起.) 

我家姐就答佢,,,,,都係o架....整o左會直d.

跟住佢又同我家姐講::::>>咁你幫我攪掂佢.

家姐:::::>>你做乜唔自己攪

攝影師:::> 唉,,,尋晚攪d相都攪o左好耐, 呀,,,屋企有coating, 我聽日攞比你幫我整.

 

當晚..........家姐講番比我知..........其實開舖個兩日, 個幾張冇貼coating o既大相, 攝影師已經叫我家姐幫佢攪掂, 不過家姐冇幫佢貼, 仲向我投訴攝影師點佢做o野, 開舖要執o野已經好忙.

家姐問我........如果佢聽日真係攞d coating返o黎, 我地洗唔洗收佢手工.

我個心已經火起上o黎..........點解呢個攝影師可以咁??? 攞著數攞到儘?????????我同家姐講,,,,,,,,收咩人工呀?? 佢應該要幫趁我地啦....又唔洗交租, 我地比個7折佢都已經算係咁.....個心又諗番起佢個句"互惠互利"

原來佢自己都有coating.......點解唔自己係屋企做呀?? 已經免費比個好位佢擺, 幫佢晒o左d大相, 幫佢係台灣做一本佢執相, 佢排版o既相簿比佢做生招牌....仲想點??

仲有就係, 當初我已經話過, 唔可以放櫈係舖頭, 開舖冇幾耐就已經帶客人返o黎, 3個人坐係我間舖度傾. 已經心裡面唔高興.(不過自己同自己講,,,,,忍3個月吧)

第2次又帶同一對客人o黎. 另外佢有一個朋友又o黎我舖頭. 但完全冇理我呢個人o既存在. 冇打招呼, 淨係係咁睇我舖頭d相簿.

終於捱過佢地離開我間舖,,,,,,冇幾耐有一個女人跑入o黎........

上氣唔接下氣..............問我.......>>>>>> 呢度係咪陳x間舖呀??

我打個凸..........吓???你講咩呀???

 

 

 

 

 

 

 

 

細心

 

不嬲家姐都係細心過我~  呢隻龍貓係舊舖時幾好賣, 本來係用o黎插花. 龍貓好似攞住一支花學人求婚咁.

呢隻辦依家比家姐咁攪, 都幾得意.

 

 

今晚放工家姐打o黎好似求救咁一輪咀講o野......原來隔離舖個售貨員個主管就快結婚, 趁聽日中午開會送禮物比主管,,,,,問我地聽日攪唔攪得掂.

(段文字係客人自創o既,,,,,,)

 

唔掂都要掂.......有o野做特別精神....本來家姐同客講用printer 印出o黎. 但我覺得要做成相至靚.(況且我地有鬼彩色影印咩~唔係咁趕都可以攞番公司print o既)

嗱嗱林用部爛鬼電腦同客人打d字......又要趕住去曬相........10分鐘攞相, 老細收我廿蚊, 正常價應該係25蚊

 

裱完張相放係相架........當堂靚仔晒~    (希望客人聽日見到會滿意啦)

雖然唔係貴價o野, 但客人呢番心意,相信佢個主管都應該感受到啦啩??

合不久就分

 

間舖雖然只係開o左11日~ 不過睇到o既o野唔少~

我遵守我o既諾言

唔想朋友都冇得做.

早通知好過遲通知

 

 

原來坦白可以咁得人驚.

 

 

買回家 動手做

DIY 買回家 動手做

DIYPHOTOSHOP

 

 

 

 

開張大吉

間舖簽o左租約咁耐, 攪到999至開張~ .......等我冇攪好瞓~

終於今日開張~ 

d舊客仔真係好守信用~ 話今日o黎就真係今日o黎.

第一個客o黎o既時候, 只係得細姨甥係舖......家姐去o左買飯盒比個仔食~(返下午班)

攪到個客打比我問我d貨係邊(佢有d趕時間), 等我用電話....搖控佢係櫃桶攞d貨出o黎.....哈哈. 都咪話唔犀利.

今日有唔少人o黎探我~

第一個係淘大以前係我隔離舖o既司徒,,,,真係有我心....送o左件精美禮物比我. 不愧係賣精品老細.........包份禮物都靚d.

 

唔洗多講,,,,緊係祝我一帆風順...............多謝多謝

跟住到姪女o黎探我地........仲帶埋好正o既車厘哥夫布甸~( 姪女真係唔話得,,,,,,,幫趁o左我地幾佰蚊...)

 

仲有珍珠奶茶.........好有茶味........咁夜飲.....唔知今晚瞓唔瞓得著.

 

 

姪女走o左之後,,,,,,又有大姨甥兩公婆o黎........佢地話怕我地做到對手粗晒........買d潤手霜比我地搽喎...........多謝多謝.

傾傾下姨甥女又o黎埋.........佢o岩o岩辭o左職..........我叫佢星期日o黎做part-time.....等我可以休下息

 

再夜d就係blog友 MAGGIE 帶埋囡囡o黎..........仲有一大盒金莎........嘻嘻......係咪等我搵到金銀滿屋呢..............(哈哈.........我自己作o架咋....).

 

個個走晒之後........我就整相簿樣辦.........拖o左咁多日..........唔開張個日都唔做樣辦o既...........跟住肥妹放o左工.......買埋魚蛋燒賣上o黎............係咪知道我地做到肚餓呢...? 多謝晒~

!!

開張至發覺要乜冇乜............計數機又冇........膠紙座又冇..........仲有宣傳單張一張都冇..............哈哈............真係唔知我地想點~

d舊客o黎到都問我地.........你地係咪未準備好o架..........??!!............嘻嘻........係呀........唔洗講,,,,,睇到我地間舖空nilnil就知啦.............其實我地已經show 到7788 o架啦..........未試過租咁大o既舖位..........真係唔識擺o野o架我地.........

999定係長長久久

 

 

 

 

為o左亞媽一句好日子........我同家姐.....就趕喉趕命咁係09年09月09日開舖.........其實都仲未準備好. 我自己本身其實想拖到9月19號, 過o左農曆7月至開o既....之但係.....又冇理由蝕租o者..........所以聽日會一路執貨一路做生意~  我仲同公司請o左半日假tim....

今晚Wendy o黎探我............順便幫趁o左我38蚊(攞個意頭呀嘛...)........叫我留番聽日至開單........隻衰o野仲買o左件蛋糕我食.....本來都諗住...........吓.......o岩o岩食飽飯.......點食得落呀.......

點知執o野執到11點幾..........又覺得肚餓啦......

無縫相簿~

 

 

 

9月3號去完台灣,,,,,其實有咩收獲呢~

 

主要訂o左兩款無縫相簿~   (12 " x 12 ")

一黑一白~          其實我鐘意台灣供應商o既...........唔止係佢地相簿款式. 仲有佢地o既內頁.............講真.....一分錢一分貨...........貴係貴得有道理~   水晶內頁.....唔係一般大陸用o既淋膜

呢一款..........配一個皮箱.....磁石開關.

 

 

呢一款黑色仲型~ 木製相簿封面可以放cd碟~ (配一個黑色皮磁石開關皮箱)

 

不過你地唔洗心急o黎我地舖頭睇............因為我比o左d相台灣做相簿,,,,,,實物要到9月中左右至到香港.

我比你地仲要心急呀~

 

 

收鎖匙

因為趕住9月9號開張~ 所以今日收到鎖匙就開工油油 & 整櫃

 

 

上一手個櫃已經要求業主拆走......

 

原本係諗住搵個熟師傅裝修 + 整木櫃..............點知實在太貴............唔夠100呎o既舖...居然開價3萬.....................3萬......??

只係簽一年租約o既我........點敢用3萬蚊去裝修??

所以只好用番長沙灣o既舊櫃 ,,,,再係ikea 買一個新櫃......

 

今日油漆都未油..........我同家姐就砌櫃了.....

 

開工砌櫃

 

 

因為冇電動縲絲批........所以我同家姐....兩個隻手指公都整到好鬼痛.

整o左4個鐘~!!  

為o左慳錢~ 冇計啦