coating

留言問加coating一事, 放大比多d人睇.

 

 

 

 

若藍 53分鐘前

 

其實我想問相簿同大油畫係咪一定要做coating架，如果唔做會點架??

 

 

DIYphotoSHOP

0分鐘前

無縫相簿唔洗另外加錢做coating. (本身已經做o左加工)

傳統相簿如果唔加coating. 你可以加牛油紙, 但睇相會超麻煩. 如果乜都唔加, 張相會發霉 (我2年前見過一本....真係見到本相簿頭一頁 & 尾一頁好似d麵包咁發霉)

又可能兩張相會"痴"埋. (因為受潮)

但如果要幾仟蚊加coating, 我就唔建議啦, 因為做過另外一本相簿都可能唔洗咁貴............之但係......通常結婚相簿,,,,係結婚初期會睇下......之後就會放係床下底.........跟住唔知幾多年至攞番出o黎睇, 咁一打就痴住晒...或者整爛o左d相.........到時你又唔會咁有閒情去做過另一本.........咁就變成好嘥.........係我個人o黎講, coating 係要做o既. 但一定要傾到價錢o岩. 當你10幾廿年後再睇番本相簿, 可能都會變黃少少, 但起碼唔會爛.......你話係咪好好呢?? 情比金堅

大油畫都係啦....邊洗加coating o架......正式油畫係加工好晒至叫做油畫o架........正常係唔會叫客人加coating 囉. 要加coating o既就係叫做相紙啦. 唔係油畫布啦.唔好比人搵笨呀.

 

 

 

--------------------------------------------------------------------------------------------

 

若藍 6分鐘前

 

唔該哂你咁詳細既解釋呀，我之前係大陸影左相有相簿，咁應該係有coating啦，無縫相簿即係點呀，我都唔係好清楚，但我黎緊會有法國既大相同5R,8R，唔知個幾張相係咪冇coating呢??
係咪即係d手指紋印唔到落去既就係有coating架喇??
真係唔好意思呀，我咁多問題~

DIYphotoSHOP

0分鐘前

唔洗客氣~ 我都係知幾多講幾多

大陸個D應該有啦, 除非學香港個D婚紗公司手法啦.

無縫相簿咪即係一打開本相簿, 左右兩邊張相係為之一張(有排版, 似d兒童圖書). 中間無條分開O既痕.  上面O既相簿, 咪左右兩張相分開O左, 中間有條痕囉. 呢D咪係傳統相簿囉. 我個人認為, 無縫睇落係靚D, 但開得多本相等睇, 中間始終會出現條摺痕, 久而久之會好肉酸o既. 始終傳統相簿應該係襟擺d.

其實要睇你用咩coating. 好似我地個d雷射呀. 星閃 同埋 心閃呢d閃令令o既coating. 都會有手指紋o架.

用磨沙o既coating, 例如: 珍珠, 霧面, 油畫 & 畫布等等. 就應該冇手指紋.

仲有, 有時絨面相. 比一般光面相紙冇咁易有手指紋, 所以你地可能都分唔到都未定.

(散相90%佢地唔會幫你整coating)

後加~

 

 

最近收o左幾個客做後加.

個個客都幾趕, 只係得1個星期比我做.

好彩都趕得切比佢地擺酒用

 

婚紗公司咁都比得客人o既.??

最初我都冇乜信心, 想通知客人唔做呢一張相.

後來發覺應該係相簿包邊o既膠紙碎, 所以小心翼翼咁挑走, 最後都攪掂o左.

 

 

呢張就cut相唔齊求其貼落相簿..... cut到張相咁都得.....

好彩依家d客人唔係咁嚴格. 如果唔係呢隻死貓可能係我食o既.

 

 

另一個客人相簿......唔知係婚婚公司整到隻相角咁, 定係個客自己攪成咁.

不過貼o左coating 就好少少. 因為有重量呀嘛....

 

 

呢本相簿本來做霧面o既. 但佢第一版個張相有凹位........貼極都起泡.

做o左3,4次都唔得,

打比客人問客人接唔接受用絹絲做coating.

點知用絹絲都係做唔到.

 

正想放棄打比客人之際. 諗到用反傳統方向做...................得o左~!!

 

 

 

 

原因係:

因為本相簿封面角有摺位, 所以係凸起o既.

 

而張相中間位就貼住封面貼得好實.

 

 

 

所以中間就有凹位.......傳統做法做極都做唔到.

 

 

好彩最後都攪掂, 尋晚客人已經攞走o左本相簿啦.

 

 

 

 

另一對新人~ 好開心見到佢地, 因為佢地係長沙灣舖o既客仔....會耐不耐同我買龍貓精品. 佢地係一對聾啞人士, 所以我地溝通都係用紙筆, 依家見到佢地拉埋天窗都替佢地高興~  祝你地永結同心呀.

窩心o既電郵

hi~

我姓X, 你記唔記得我呀??

整左個18r 全家福做生日禮物.

爸爸媽媽收到禮物好開心呀.

不停咁讚個相框好靚,又問相框要唔要3,4百蚊呀!

唔記得多謝你上次幫我整相,雖然我最後都冇用,

因為email o既問題,等左好耐sin收到.

我聽你姐姐講,原來你都好忙ga.麻煩到你真係唔好意思.

仲有呀,你姐姐真係好好人呀.佢仲幫我貼好d張相o既白邊呀.

thx alot~

--------------------------------------------------------------------------------------------

講真, 開o左間舖一個月多少少. 客唔係多, 仲比想像中差. 我最想見到o既媽媽客唔多. 結婚客倒有不少. 但呢類客, 逐間舖格價. 得罪d講句. 真係幾怕

怕佢地格價格到暈..........問一堆價錢........佢地真係以為自己係格間專家. 不理品質只顧價錢. 唔同貨同size 佢地就會歸埋一類.

大陸有相架供應裔我唔訂, 寧願依家同香港廠家訂相架,,,,或者其實最終都可能係made in china都未定. 但起碼經一經香港供應商, qc都應該好d. 

大陸相簿唔多掂我至飛去台灣, 不過話番轉頭. 唔係太信個攝影師. 我又唔會同台灣訂咁多貨.(因為本來目標就唔係d結婚客)

不過都唔好怪晒佢. 買個教訓以後唔好咁信人, 唔好睇得太表面.

以前做o左7年. 除o左做後加uv coating之外, 我對結婚客係冇期望o既. 明白佢地結婚洗好多錢. 應慳就要慳o既. 

但希望佢地係格價之餘, 自己學多少少o野, 了解下A店咁平, 點解B店咁貴. 有時唔係人地賺得多. 可能質量唔同人都未定. 

即係A店10碗o既雲吞麵係豬肉多過蝦. B店可能係新鮮蝦.有好多原因, 希望格價人士格得精明一點.

------------------------------------------------------------------------------------------

做o左7年, 冇乜錢賺都要繼續做??

第一, 當然想搵啖飯食. 唔係要魚翅撈飯, 但求唔洗食白飯

第二, 滿足感...........當你見到d客自己做完本相簿攞番o黎比我地睇, 睇到個客o既開心表情...個種開心唔係用錢買到o既. (所以我地咁多年以o黎, 不怕浪費口水, 唔怕教完客人就冇幫趁, 我地都會慢慢教佢地做到識為止.)

又好以上面個封e-mail 咁.............冇諗過個客今晚特登send個e-mail o黎多謝我地.(佢係上星期攞走o左個相架o既)呢d亦係推動我地繼續做落去o既原因.客人開心, 我地更加開心.~!!

不過, 因為家姐屋企有事, 我地已經向業主申請, 睇下可唔可以中止租約. 希望業主可以儘快搵到新租客, 如果唔得. 我地都唔會走佬, 繼續做埋落去. 11個月好易捱, 7年都係咁捱過了. 

最後, 多謝X小姐o既窩心電郵. 令我精神為之一震~ 將我呢個零月o既唔開心掃得一光二淨~ 

真係多謝晒~

誠徵結婚相一輯

 

決定重新做一本台灣結婚相簿放在舖頭內.(要公開比我d客人睇, 請慎重考慮)

已執相 相片 60~70張

送回價值$2,800 15頁12吋x12吋台灣排版無縫相簿一本.

有意者請傳真幾張相片給我們(相片不合用者, 絕不公開)

diyphotoshop@yahoo.com.hk

或電96695148 查詢.

謝謝