唔做後加uv的來龍去脈 (2)

網誌日期：2010-11-27 21:48

 

我冇耐性睇書~  不過做生意叻o既人寫o既書我又好鍾意睇~,,,,,今日見到呢本書~ $100好鬼貴~又冇折. 打書釘打o左半個鐘, 卒之都係買之~ 希望兩,三日攪掂佢.

之前都有朋友問我UNIQLO點讀,(日文發音係 u ni ku 羅 ) 我最初以為唔係日文, 唔係英文.....可能係法文.....原來最初UNIQLO 係日本寫做UNL.CLO (正式名稱係: unique clothing warehouse) 後來寫寫下就冇o左中間個點.

1988年, UNIQLO o黎香港同香港人一齊合資開公司,點知辦理登記手續的人誤將

UNICLO 寫成 UNIQLO, 柳井正先生 (老細) 發覺C 寫成 Q, 咁樣寫視覺效果好好,

所以將錯就錯, 將全部店舖都改寫成 UNIQLO, 真係唔睇呢本書都唔知呢.......原來又關香港事~

 

唔單止想知佢地點樣成功, 睇佢地點樣係失敗中搵出解決方法仲好睇~   

 

不過睇極都唔會成功o架啦.........我~

因為唔係我錯o既, 我唔會認錯o架~

成日聽到個句~ ~ ~ 顧客永遠是對 <<<<----打屎我都唔會認同呢句說話o架啦

講番今日同個相簿客見面, 佢地兩個一睇本相簿就冇乜o野講,(之後個男o既就話冇係e-mail睇得咁覺眼) 但條女都係話佢收婚紗公司本相簿時係冇問題.

我亦都唔客氣同佢講, 唔係我錯o既我唔會認. 你本相簿唔係油漆未乾, 唔係我貼o左張coating, 撕番出o黎就會整皺你張相~ 我d coating 只有機會整爛而唔係整皺張相~!你可以攞埋本相簿出去問人貼coating 會唔會貼到你張相咁.

我問o左啦~!!

我叫你攞埋本相簿出去比人睇~!

攞o左啦~!

你點攞?? 你本相簿係我手~!

你依家叫緊你個客做o野呀~!

(咁又點? 依家係你本相簿問題!)<<-----我冇講出口, 免得我發癲

 

個男仔問我咁點~ 我話一係就咁貼埋佢, 不過有條痕仔. 個男又話我又冇得保証,我話點可以保証, 我可以貼完比影番相比你地睇, 你地唔鍾意可以撕番出o黎. 但佢地兩個好怕我撕起張coating 會整爛佢地張相.   

我話羅浮宮都仲未執笠. 你地可以攞番本相簿比佢地, 佢地一睇就知係佢地問題,一定負責(我以前都試過叫客攞番去整)

條女又好大聲同我講多一次~~~~~~~~~~~~~

你依家叫緊你個客做o野呀~!!

我都唔客氣咁回番佢~~~~~~>本相簿係你o架~!! 唔通我幫你攞去呀? 問你攞張單攞去呀???

跟住條女好串咁,,,,唔洗去呀, 我打去問都知啦~!

佢即刻攞電話出o黎打比sales話收o左相簿, 但發覺有張相有皺,  對方冇唔認數, 仲叫佢攞番去比佢地~  

臨走之前.....我同佢地講, 我做o左個19張相我唔收錢住~ 你地攪掂張相之後攞番o黎整埋last一張我至收番晒d錢~   !!

 

我其實算係咁, 做o左7年相簿加工~ d客攞相簿o黎, 就算成張單3000幾蚊,  我一蚊訂都唔會收, 就係想比客人有個信心,  好景時.......d婚紗公司收佢地100幾蚊一張coating, 我只係收佢地$21一張, 係1/5價錢有多, 所以雖然佢地係我d客, 但我覺得都係大家需要大家, 你比生意我做, 我幫你慳錢,  所以最憎今日條女咁大口氣,,,,,,你依家叫緊你個客做o野,,,,,,,,,我一蚊都未收你, 客咩呀?? 依家你本相簿有問題就想屈我~!  做o左7年都未遇過咁o既客~!,

從來我地都係對客人客客氣氣........

其實我唔鍾意同人嗌咬,,,,,,嗌完咬~個腦就會不停咁浮現番你一句我一句o既情景, 好鬼煩~! 但我又唔可以比人屈, 所以都係打成世工o架啦, 呢條可能係我唯一o既出路~!

 

 

2010-11-28 22:34

表達了出來, 希望你可以舒服些, 慢慢平伏些

睇下聾貓笑話, 笑番

 

比番本相簿佢我已經安樂晒, 我唔想再記住呢件事啦.

2010-11-28 01:27

你又唔係等佢開飯，呢d貢衰0既客唔洗同佢客氣，佢唔返轉頭更好!!
支持你！！

 

係o架~ 佢唔返轉頭比番d錢我都冇所謂, 豪比佢~!

些些你支持~!

2010-11-27 23:35

 

我認同妳既做法喎...唔駛驚架...自己無錯做咩要認低威喎...仲有就係果位女客人...真係嚇死人就真...我好憎咁樣講嘢既人...

 

 

我從來都無驚過, 不過有件咁o既事拖o左幾日, 係個腦到不停咁諗係電話同佢嘈o既情景, 影響我呢幾日o既情緒o者.

2010-12-01 00:18

睇完我都好興呀!!點解有d咁唔講道理既八婆 !! 

 

個日我係麥記搵埋枱比佢地坐, 唔想山好似我家姐收佢地本相簿時, 係麥記門口係咁易睇, 當時我家姐都同佢講, 依家睇下有冇大問題, 小問題到我做o既時候會打比佢, 點知我發現有問題打比佢個晚, 佢同佢亞媽. (係電話邊聽到我地講o野) 都死口咁話,,,,,你家姐收相簿冇出聲即係冇問題啦. ..................我超頂佢, 雖然家姐話同我一齊出現, 我都話唔洗, 我洗乜怕佢呀~! 我一條友頂得佢順啦, 佢要大聲發難渣, 我比佢n倍都得呀!~ 有道理真係唔洗怕.

唔做後加UV 的來龍去脈~ (1)

最近有客打o黎問係咪唔做後加uv coating,  

客人以為我怕收唔到錢, 話可以先比o左錢我先,

所以我有必要將舊年個件事post番出o黎.............我唔係怕收唔到錢~

我大聲唔代表我冇禮貌

網誌日期：2010-11-24 12:20

 

搵食艱難, 不過有d錢可以唔搵. 唔洗跪地餵豬乸

呢世人最憎人屈我

尋晚做個本相簿其中一張有問題,婚紗公司皺o左少少都照貼落相簿, 雖然係少少, 但都足以影響我去貼coating,貼o左至發覺有問題, 唔撕番出o黎就唔知咩原因,

諗住影張問題相比個客睇.

點知個客睇完e-mail, 我打比佢, 佢一開口就話,,,,,我收相簿時本相簿冇問題喎.

我頂~!!   賴我呀??

之前d客相簿有問題我都係影相再打比佢地, 明白事理o既客會接受佢地本相簿係有問題, 唔會賴落我度.(根本有d好微細o既o野,佢地冇可能睇到, 一收相簿就淨係睇下自己個貓樣靚唔靚, 其他地方有鬼睇~!)

其實尋晚張相都唔係咁顯眼, 但責任所在, 我一定要先話比客人知.

我話比佢知,,,,,,,,,,其實皺o既地方好細, 唔係咁顯眼.

點知個客就話.......>>>>>依家睇張相都好明顯啦, 點會唔顯眼呀?? (佢覺得我想推卸責任)

真係火都o黎................(八婆~!)   <<<------好想講出口  
..........>>> X小姐, 我唔影到顯眼比你睇到條皺痕, 你點知係點呀?? (唔通求其影, 影到唔顯眼你就開心咩?)

講一大爛餐,,,,,,,,,,,,,,,,,,,唔信任o既話

 

我本相簿好貴o架.!!.............................我又頂................如果真係我整爛你本相簿, 我係台灣整本靚過你10倍都得呀~  !  (八婆!) <<<<<-----當然呢兩個字係喉嚨"頂"冇講出o黎.

 

攪到我瞓唔到覺, 我又唔係等呢d錢洗.   

 

 

你地睇唔睇到??

 

就係呢條~

 

 

一張8x12 o既相, 係個花球側邊, 會留意到嗎??  佢地係婚紗公司收相簿時一定睇唔到. 我唔貼coating 都唔會知道有問題 

 

唔係今晚聽晚都約o左人, 我一定快快手比佢睇清楚, 唔好賴我~!!

依家約o左星期六,,,,睇下到時有冇火先~

不過我大前題係唔好影響呢d新人........一陣累到佢地兩個人嗌大咬, 有乜冬瓜豆腐又賴我~!

 

 

2010-11-24 22:59

唔講唔覺

 

責任所在, 唔講唔得, 不過從未
遇過D咁唔講道理o既客~

2010-11-24 20:06

我諗"巴之閉"o既新娘子多的是, 可能佢哋覺得婚禮一切都要完美...

 

咪就係囉.............嘔血~

2010-11-24 14:14

好慘!!

你講先會留意, 還要配合光線才可看到

今晚要瞓呀~~

 

係呀, 我特登反晒光影比佢睇, 佢最初唔識睇, 睇錯o左隔離個光, 以為我整到佢起晒氣泡, 跟住我話比佢聽係隔離條線, 佢都聽唔入耳, 咁仲唔明顯呀??? <<-----o黎話我........唔影到咁跨張, 佢點睇得出. 真係想即刻攞本相簿比佢睇. 其實貼o左張coating, 唔多睇得出, 不過有d客人當本相簿係寶o既時候, 佢就會"驗屍"咁驗, 我廢事到時至話咩原因, 所以我通常即刻報案, 係呢條友仔咁o既反應.......開口就話佢本相簿比我之前係冇問題......<--一聽到呢句暗屈o既說話就火都o黎.

今晚去聽演唱會,,,,聽完返屋企我要整另一張. 雖然佢叫我唔好再動佢本相簿, 但我唔會聽佢講, 做剩第2張有問題個張就算.

至緊要開心~

雖然冇o左間舖快一年了, 不過間唔中都有熟客買o野~

呢兩日又有生意~ ^^

一個係結婚客~ 不過我已經推o左唔做, 雖然都有500幾600蚊.

自從舊年個衰客做完唔比錢之後, 我已經決定唔做結婚客生意.

免得令自己唔開心影響我個病.

另外有一個舊客再買, 佢個女幾歲大時幫趁過, 到依家佢個女11歲, 

今次輪到佢個女有興趣做, 所以半價賣美術膜比佢. 話時話,

相簿存貨已經賣一本少一本.下次想買都可能冇得賣了~

仲有一個客想要2個12x18吋o既相架..................想做但都係冇做啦. 

因為訂相架要有一個最低量, 我唔想放太多o野係老媽屋企.

最後呢個客, 只係比3張相我做~ 老媽問我幾多錢? 我話21蚊咋~

老媽話做乜咁少錢都做??

我最鍾意d客愛錫d相,講真, 一張4R曬相錢最多咪2蚊雞,

但係貼一張coating都要4蚊, 有時我都諗, 比著我都可能唔會整, 

所以想做coatingo既客人, 佢一定係好鍾意d相至會捨得做coating.

呢d客我就最鍾意做~

賺錢事少~ 至緊要做得開心