開o左a/c , 但係依家未得閒, 未上傳diy 相簿d資料.
你地可以add o左我先都得~ ( diyphotoshop@yahoo.com.hk)
我會快馬加鞭整正個facebook a/c
仲有為o左防止d無聊留言, 呢篇blog 會前置 & 不可以留言,
如要留言或睇新一篇blog,
請睇下面個blog
謝謝
2010年12月7日 星期二
相架 (送coating)
幫我地買相框, 我地會送埋免費整埋coating~ (手作仔o野, coating只可以做到12x18)
價錢
5R $58
8R 幼框 $78
8R 粗框 $98
8X12 幼柱 $88
8X12 粗框 $108
12X18 幼框 $168
12X18 粗框 $198
大相架可以掛牆
細相架可以掛, 又可以放係枱
2010年9月6日 星期一
神呀~!
雖然我仲未歸信於祢, 不過今次執笠所發生o既事情,,,,,實在係太神奇了~
唔知關唔關袮事,,,,,,,但暫且多謝袮先~
.......最後o既日子我一路都覺得間舖已經冇乜o野賣.......賣到星期日晚........我都覺得間舖冇乜o野.....諗住好易清場.
星期日晚o既8點幾9點左右......係我搬走晒d層架櫃出店外面等買家到取時........成間舖就亂晒籠...好多o野.
而個位原先決定要3個鐵貨架o既買家, 最終話比我地知只係要1個, 其餘兩個黃色細鐵架唔要.......(唔係呀嘛.......好彩我仲有一日可以搵買家o者......但臨時臨急我都屎啦...)我又唔會勉強個客人,,,,但我又無理由免費送比買家. (已經送o左6個組合木架比佢)
後來個位買家話要2個組口木架就算, 剩番2個粉紅, 2個綠色比我番我地.
(圖中左, 2個黃色鐵架,,,,,,,,,,,右面粉紅 & 綠色組合木架仔)
亂晒坑就特別吸引執平貨o既人.....................就係個陣時........有一個女人.......唔係一般師奶款.......佢戴住個白色膠框眼鏡.....夏威夷裇衫 + 白色短褲 + 白色鬆糕人字鞋.....仲有少少化妝................佢問我地d o野點賣?? 我話就咁賣~!!
原來佢想一lot買晒我d存貨
...........(我心諗我唔會賤賣我d貨o既.)
打發佢走....聽日3點你打o黎問下我地剩番幾多貨先啦. (因為我一早已經打算賣唔晒o既存貨送比d擺街邊o既婆婆賣.)
但個女人係都唔走..........>>>你做乜唔賣呀? 你留番o黎都冇用啦.
咩冇用呀~! 有d我地放上網賣o架~!!
咁你唔要個d咪賣比我囉.........唔緊要o架.~! 係呢.....呢d組合木架賣幾多錢呀?家姐即刻開口叫價100蚊~! (明明之前唔洗錢送比買鐵架個客,,,家姐把口始終叻過我
)
佢又問2個黃色鐵架.............400蚊2個~!................啊~!好呀....賣埋比我囉......咁d貨你賣唔賣呀......你鍾意留番就留番, 想賣咪賣囉.
卒之..........我開價, 個女人又冇還價, 總之好似我話賣幾多錢佢都OK 咁.....最後賣o左2000蚊貨比個女人,,,,,(5箱貨+2個鐵層架+ 4個組合木架仔 TOTAL: $2500),,,,,,...........我好似賣仔咁, 好唔捨得.(好似驚人瘧待自己個仔)
就係咁.....................8月26號仲係有咁多貨o既舖.........
到o左9月4號.........短短10日........就可以攪成咁.........當然呢10日生意進漲唔少~
9月4號星期六呢一刻同家姐都覺得......WOW~! 得番咁少o野~ 聽日好易執番屋企~!
拉閘走人~! 聽日賣埋個大櫃就一身鬆晒~!
點知............
9月5號.....
個大木櫃3點幾已經有個女人睇中..........呢個就真係師奶到唔師奶o既女人........我標價500蚊.....佢話佢唔夠錢, 又冇卡可以襟...........都唔緊要.......你開價350就350啦. 睇見佢真係好鍾意個櫃........係我朋友就送o左比佢啦(買番o黎係$2600幾)......攪o左成個鐘.....佢叫個仔去度下屋企有冇位. 覆番o黎個位只有33吋...........而我個櫃就56吋長.......
師奶點都好想要, 嗱嗱林返葵芳屋企再度清楚.
到差不多5點佢就覆番o黎話都要唔到, 冇位放~~~~~~~~~咁就算啦.....咁大個櫃唔可以勉強.
我同家姐繼續執貨....不過我地太"輕敵"啦.......以為冇乜o野執..........執到中途仲走o左去食壽司嘆番陣.............
到6點幾7點............發覺唔對路...........個商場冇乜人行............即刻打比成哥叫佢幫我搬個大木櫃返去ANDY 貨倉,,,,可惜我太遲打去, 成哥已經收工安坐家中.
ANDY又去o左開業主大會..........最後迫不得已搵呀小金爸...........條件係同佢打番廿場麻雀
就係8點零鐘o既時候..............剛才個位師奶過師奶o既師奶打番o黎話都係決定要個大木櫃.....(因為佢覺得實在太抵買)...........我係個電話度再三問佢........會唔會唔夠位,,,,,千祈唔好勉強要,,,,,,唔好因少失大..............(因為我怕佢六國大封相)
仲有就係我已經叫o左小金爸............我唔想到三更半夜個女人決定唔要之後, 我至搵人搬,,,,,,,,,更加覺得掉o左個櫃實在好浪費.......
最後最後................居然好平安地夠1位上到個客貨VAN...........$48就運到去葵方........我都希望個大木櫃搵到個好人家............
唯一擔心師奶唔知點樣搬上樓.......又冇車仔推.
抹一額汗賣晒D櫃.........執好晒D貨(有10幾箱相簿貨 + 雜物,,,,真係估唔到呀~!
...............家姐同姊夫幫我搬番去丁屎屋 & 老媽家.
食飽飯成點鐘返到丁屎屋時嚇了一跳........
因為係..............吋部難行..............唔理啦,,,,,,搵到個窿就捐上床瞓啦
呢兩日發生o既事..........時間上.......雖然我都覺得係奇蹟............家姐叫我快d信主......
不過......嘻嘻~ 都係睇下點先啦~
2010年8月30日 星期一
再談執笠~
唔怪之得係街上面見到有d舖頭~ 永遠都係 "最後一天" 執笠清貨
真係o既~ 有好多人都係貪小便宜, 睇下有咩平o野執...... 點都會執1兩件至走~
所以呢個月........生意拍得住x'mas, 截至尋日為止做o左2萬3. x'mas 都係做o左差不多2萬9 , 12個月以o黎, 除o左x'mas 同今個月過2萬之外,其餘都係夠交租, 但係冇錢開飯~
呢一年比肥仔潤o左唔知幾多次.............>>>>開o左咁多年舖都咁渣, 又唔睇定d, 賣魚蛋好過啦~ @_@真係眼淚在心裡流 好想打肥仔一鑊~~哈哈哈.................其實比肥仔一句插到應一應.............真係做o左咁多年, 做乜衰收尾~?
02年3月開始同台灣入貨(相簿材料, coating等等) 同年7月黃金海岸開車仔檔, 當時星期六要返工, 一放工就仆到入去開檔(只做星期六, 星期天),,,印象最深係曬到隻狗咁.
03年沙士爆發前2星期,,,,,,,,膽粗粗老媽一句~ 要租就租最貴o既~!! 用1萬3仟8 係奧海城租o左一個3呎x3呎o既車仔檔~! 托"金滿庭"食店鴻福(呢間o野日日排長龍)......抹一額汗, 做o左2個月, 嚇到鼻哥窿冇肉.........好好彩,遇著沙士~兩個月都做o左7萬幾生意額.因為壓力實在太大,,,,,,所以唔敢再繼續做
03年5月 8000蚊係始創租車仔檔~ 因為近住金都~ 所以多o左一班結婚客~ 最後促使我開舖念頭, 因為要幫佢地d結婚相簿加工. 需要一間正式d o既舖.
04年去淘大開舖. 8000幾9仟蚊租一間舖我都ok, 奈何一年後又要加租. 而且姪女唔得閒再同我看舖, 為o左就家姐~ 所以去o左荔枝角長沙灣廣場.
05~09年,,長沙灣廣場~不求賺大錢,只求有啖安樂茶飯食~ 頭2年OK, 不過個D業住點會放過我地~ 想繼續租咩??以為你搵到嘞~!加你40%~ 幾經辛苦減至 20%. 大佬.................實用得3呎X15呎咋........
再做多一個約(2年)......姐夫有病, 都冇問題~捱過了,,,,,到後期............自己都有病,,,,,,所以自己唔想再咁辛苦. 放軟手腳做~ 生意開始差, 約滿前姐夫舊病復發. 決定唔做~!
手停口停, 唔想家姐失業, 停o左4個月再開舖.......
今次開呢間舖其實唔順利~ 因為同攝影師不合~ 好少受事情影響o既我....都可以瘦到得131磅....夜晚瞓唔到....(勁o架啦,,,,依家138磅) 為o左生計,,,仲要賣埋精品~~~一樣我知做就屎緊o既貨, 好生意就做死, 唔好生意就責死貨. 點都係要死o既~!
好~! 故事應該結束~ 仲有幾日就埋尾~ 姐夫依家有o野做我冇咁擔心.
反而朋友知道我要執笠........
>>>>講o野啦你~~!一陣轉過頭又唔知去邊樹開番間啦你~ (蝕晒D錢啦,,,,我想做seven eleven儲番d錢先啦)
>>>>咁你咪冇勢藝囉?? 放假去邊呀?? 同我地行山啦!? (有人約o左囉喎, 呵呵呵)
>>>>9月去越南玩呀~ 一齊啦~! (想屎呀? 邊有咁多假? 有假都冇錢去玩啦)
係~!! 呢8年放o左工再返舖~星期六日唔得閒,,,,,,,,我都驚我執左間舖之後我會唔知做咩好
唔通真係7點食飯9點沖涼11點上床瞓覺???????
都未嘗唔係一件好事喎~.....................
訂閱：
文章 (Atom)