o岩o岩有客人比結婚相簿我整後加uv coating. 做o既時候, 順便影下相比你地睇.
(點解會有後加uv coating 呢樣o野?? 因為婚紗公司一張coating 會好貴, 所以識得我地o既客人影婚紗相時, 都唔會係婚紗公司度加uv coating. 到收到相簿之後就交比我地做)
即刻開工, 先做細相簿. 有30張相. (請記住, 封面張相我地係"做唔到" 後加o架)
因為冇coating. 所以客人用雪梨紙分開兩張相, 避免受潮整到兩張相"痴"埋一齊.
(不過睇相就超麻煩)
開工啦~
用棉布抹乾淨d塵, 同埋膠水漬
貼coating
做細相簿, 我會做完左做右, 咁樣易做d, 但大相簿就做完左,,,,,做晒至做右.
2張相貼晒coating之後......
將多餘o既coating cut 走.
小心婚紗公司好多時都遺留好多膠水漬. 會影響我貼保護膜o既.
撕起張coating時要好小心
左邊貼o左保護膜, 右邊未貼.
完成一本啦. 今晚再做本大o既~ 
HI
回覆刪除請問人手做既COATING..同機做係咪有分別?
THX
[版主回覆06/17/2010 12:08:00]hi 你好.
最初會有分別, 尤其係做霧面coating. 機做會實d, 但人手做耐o左都一樣係咁實.
但我想問,,,手既COATING 作用係咪同機做既一樣呢?..
回覆刪除都可以防甩色?......防潮......?.............
[版主回覆06/18/2010 15:01:00]防潮, 防甩色唔關用手定係用機做o既關係. 係關張coating問題. 類似coating都有唔少, 例如書局有d磨砂coating賣, 但表面一樣, 但膠水已經不一樣. 所以不用擔心用手做會影響防甩色, 防潮問題.
順帶一講, 最近表到一本法國10x14本相簿, 客人d相唔係張張都係full晒, 有d係上下一大截白色位. 我已經見到張相已經變o左少少色, 相邊o既白色位已經變黃.
所以相片會唔會變色真係關好多事. 例如: 相紙, 藥水, 存放地方, 仲有係,,,,,,,依家個太陽真係好勁~
我想問下..我都係法國影架..
回覆刪除但係點解佢既白色會變黃既?
因為太遲先拎黎畀你整?
[版主回覆06/19/2010 02:02:00]因為本相簿係我家姐接o既, 所以我問唔到. 睇下佢聽日攞相簿走o既時候問下佢, 但佢10月至結婚, 我估佢應該都係攞o左冇幾耐. 佢o既白色位, 只係相邊變o左色, 仲唔係一張兩張, 而係張張白白色位都係咁. (full晒成張o既相就睇唔出有變色)
咁如果整左手做COATING..係咪就唔會變色架啦?
回覆刪除[版主回覆06/23/2010 09:33:00]如果你咁問, 正常做生意答法係唔會變色.
但之前已經講過, 相變唔變色唔係單單一張coating就攪掂. 相紙, 藥水, 存放位置都會影響張片會唔會變色.
你用張A4白紙, 上面貼一條透明封箱繆紙, 時間耐o左, 其餘冇貼膠紙o既白紙一定會比個忽貼o左封箱膠紙o既污糟, 黃.