雖然冇o左間舖快一年了, 不過間唔中都有熟客買o野~
呢兩日又有生意~ ^^
一個係結婚客~ 不過我已經推o左唔做, 雖然都有500幾600蚊.
自從舊年個衰客做完唔比錢之後, 我已經決定唔做結婚客生意.
免得令自己唔開心影響我個病.
另外有一個舊客再買, 佢個女幾歲大時幫趁過, 到依家佢個女11歲,
今次輪到佢個女有興趣做, 所以半價賣美術膜比佢. 話時話,
相簿存貨已經賣一本少一本.下次想買都可能冇得賣了~
相簿存貨已經賣一本少一本.下次想買都可能冇得賣了~
仲有一個客想要2個12x18吋o既相架..................想做但都係冇做啦.
因為訂相架要有一個最低量, 我唔想放太多o野係老媽屋企.
最後呢個客, 只係比3張相我做~ 老媽問我幾多錢? 我話21蚊咋~
老媽話做乜咁少錢都做??
我最鍾意d客愛錫d相,講真, 一張4R曬相錢最多咪2蚊雞,
但係貼一張coating都要4蚊, 有時我都諗, 比著我都可能唔會整,
所以想做coatingo既客人, 佢一定係好鍾意d相至會捨得做coating.
呢d客我就最鍾意做~
賺錢事少~ 至緊要做得開心
thank you for your reply.
回覆刪除係咪真係好似你講得咁易家? 你係professional, 就緊係冇壓力啦..
咁如果自己整, 要留意什麼? 最容易出錯的又是什麼?
你而家仲賣唔賣UV COATING? 因為我星期六先去選相, 要11月中先至有得囉相, 到時先幫你買會唔咁會好遲(因為我囉左相2天後是大喜之日了。如果我而家買定的話, 到時就唔洗周圍找啦. 但係會唔會變黃？
[版主回覆08/18/2011 23:11:49]我o既理力來自不講理由o既客人. 例如上次唔比錢o既女人. 我好難收相簿時會驗屍咁驗本相簿, 所以我地收客人d相簿時, 會大約睇會唔會有d大問題. 例如以前收過客人d相簿d相上面有好多油漬, 相信係婚紗公司用白電油抹乾淨相相至交比客. 但d客人睇相一定只係睇下自己靚唔靚, 好似個張相有小皺的. 佢邊會睇到, 但係到我做o既時候, 有時都唔會睇到或摸到, 直到我貼o左張coating有少少痕就會知係張相皺o左. 以前都有呢d問題出現, 但d客人信我地, 一係叫我地照做, 一係就睇完就即刻做, 好少會攞番去比婚紗公司整, 但個個女人要攞去, 我當然覺得仲好, 因為呢d係佢地o既權利, 婚紗公司做錯事緊係要負責. (我o既壓力就係我講d相有問題, D客人唔信唔關我地事) 我地都有試過整爛客人張相. (我再強調, 因為D相已經貼實係相簿, 所以我地只會整爛張相, 而唔會整皺張相, 張相係貼落相簿之前已經皺O左) 我地做O左7年, 應該係只有2次整爛客人張相. 第一次係I DO相簿, 第2次係現代經典. 2次我都賠O左400~500蚊一張相. 我O既負責係賠番婚紗公司一張相O既價錢. 唔會唔負責, 之但係唔係我出錯, 我係唔容許比D客屈O既. 我地教你一定會教你小心邊一度. 唔係一手交錢一手交貨, 以前有舖, 我地一定攞本8X12相簿出O黎比客人試做. 攪掂至走. 依家冇舖, 一係係麥當勞教你. 或者你搵到好地方我地都可以去教你, 絕冇問題的. 但係呢..............我好奇怪點解依家D婚紗公司仲係做傳統相簿, 仲係用咁O既手法要客人加UV 去賺錢?
仲有個問題，我從＂UV COATING透明保護膜＂得知，原來ｃｏａｔｉｎｇ都分咁多種，但我看到你的ｓａｍｐｌｅ，本人比較喜歡'珍珠紋'，因為我覺得‘霧面紋’的凸紋比較現，所以不太看清張相。但你說‘霧面紋’有９０％人會用， 它們有何分別？
回覆刪除THANKS.
如果你張相係絨面相, 係做唔到珍珠膜, 雖然珍珠膜比霧面清少少, 但係珍珠係易刮花.
回覆刪除聽到你話仲肯教點整咁我就放心啦, 到時(3個月後)我早1-2個星期再CONTACT 你, 搵本現貨一邊學一邊整, 有你睇住個心&手都會定D, 希望3個月後仲肯教啦.
回覆刪除Thank you again.
[版主回覆08/19/2011 00:23:50]客人肯學我地一定會教, 我只係唔做個d自以為比錢就大晒, 唔講理o既客人o者(何況條女人仲冇比錢)如果仲有本相簿未掉, 我地會用個本相簿教你整, 唔會用你本相簿教你, 當你學識o左點整, 你再用你本相簿整比地竹我地睇都冇問題. 學整係麥當當都得. 但要用你本相簿整比我睇, 最好就唔好公開地方啦, 好多塵, 做唔到o架. 仲有就係教你做, 我家姐都得, (即係jenny) 如果你想用你本相簿做, 就一定等我教你啦. 星期一~五夜晚都冇問題. 到時再約.
你真係一個有良心又博愛既老闆,其實我以前都係婚紗公司做,都知道做uv既難道,而你仲要係相簿上加uv,難上加難,不過d客係唔會明白的
回覆刪除[版主回覆09/05/2011 10:07:37]唔怪之得你d相構圖&影功都咁靚啦. 講起coating d客唔會明o架啦...........>_< , 避o左呢d客唔洗有壓力