新客仔

隔o左好耐冇寫blog了~

尋晚Jenny話我知今日要交收, 一個新客~佢想買2R 美工相簿

呢兩年掛住玩, 尤其係呢幾個月,  玩到心都創晒~

今朝要去body check, 又約o左朋友打麻雀, 一聽到要交收,

心裡面o古lu o古lu, 有d唔想去~

不過知道客人做比女朋友for 佢地拍拖週年記念, 精神又為之一震,

時間需趕, 但我唔會求其教呀~

賺錢其次, 有客人認同自己o既產品, 好開心啊,

唔好急, 但要快~~~~哈哈哈, 踎係地鐵半個鐘教客人做,

再叫佢講番一次比我聽, 然後再三叫佢做到邊part 有問題,

可以whatsapp我, 我再用電話教~ 雖則我打緊麻雀~

來回幾通電話,

最後客人做封面啦, 居然話我知整錯o左, 真係攪到我有d緊張,

好彩, 客人可以撕番起塊膠片. 順利完成相簿,

今晚9點幾仲whatsapp我地話佢女朋友好鍾意本相簿~

呢種開心......就係我地最想要o架啦~

多謝你呀~