i do

尋晚家姐接o左客人相簿做後加 UV COATING

估唔到原來係I DO

以前我係唔接I DO 相簿o既,

最主要原因係 i do o既相係光面相, 而唔係其他公司咁係絨面相.

光面相其實係好好做, 比絨面相做後加uv 好做得多..........但就係因為好做.......風險就變大,,,,,,,,,,,,,,點解咁講呢.????

因為"痴"得太易,,,,,所以"痴"得太實.........有咩問題要撕番起張coating就比絨面相難.

仲有一個原因,,,,,當時i do o既相..........(唔敢講係咪全部)   係用雙面膠紙貼相o既4邊.....比係其他個4間大婚紗公司.....有點唔同. (其他公司用膠水"痴"晒成幅相)

第3個原因係當時o既客人冇買相底.........所以比我地好大壓力.

最記得5年前係淘大店, 第一次做 i do相簿,,,,,,,第一張相就有塵........一撕張coating, 張相就離o左少少......已經嚇到屎屎下.......即刻打比客人問佢有冇相底........點知話冇......咁叫佢打去i do 問下...............好好彩.......ido 仲有keep住相底........

我問客人叫佢問ido, 幫佢整番一張相要幾多錢.

客人就覆我係 200蚊一張. (佢當時o既相簿係可以加頁o既, 所以可以拆第一頁落o黎)

咁我就賠番400蚊比客人...........當時個客好好o架. ....佢最初聽到我話整離o左佢張相....佢一d都冇嬲......好冷靜(我當時已經驚o左一夜一日)

不過之後做o左幾年後加uv coating,,,,知道點樣做i do o既相簿. 而且依家o既客人好多都有相底.(即係話.............我地想賠錢都可以賠............如果相底都冇..........我就真係對d客唔住囉)

 

其實我好鍾意i do o既4x5細相簿, 封面好靚. ..............尤其是 i do 呢塊片.(請問有冇人知邊度有得做呢塊片??)

 

 

不過最浪費就係..........i do 點解唔包銀邊呢..............遲d日子一耐.......相簿邊就可能會散口, 白色o既地方出黃點.(即係發"毛")

 

 

光面相.......比絨面相仲易"痴"埋一齊.呢個客人都係用雪梨紙分隔兩張相.

客人只想保護到d相, 唔好痴埋, 唔好發"毛"就得.

客人話加"油畫"面..............但我覺得4x5咁細o既相, 唔適宜做"油畫紋", 所以幫客人做"霧面" (即係冇紋)

 

 

細相簿係左右兩邊相同時做

 

 

哎呀~ 有污糟o野.要撕番起張coating. (如果污糟o野係相邊,,,,,咁張coating都有機會用得番................但如果係相中間位置,,,,張coating一定唔要得)

 

攪掂~

 

 

做完4x5 ,,,,,,跟住做8x12呢本相簿, 呢款相簿有鐵角, 但唔會影響我做後加uv coating

 

左邊已經貼o左, 右邊未貼.......好反光.... (因為光面相呀嘛.......) 大相簿係做完一邊至做另一邊.

 

大相簿按客人要求, 做"油畫紋"

 

尋晚做完左邊相............今晚再開工, 做埋右邊相.